Clap4Culture – nus partain tut

Cun in sforz ed in engaschament sco anc mai èn passa 100 artistas ed artists da film e musica vegnids ensemen ed han lantschà in statement artistic cunter l’iniziativa No Billag. En Clap4Culture sunan artistas ed artists da tut las parts dal pajais en differentas furmaziuns e divers stils in beat da body percussion a travers la Svizra. Rock e pop, musica populara, hip hop e rap, schlager e musica classica: tut las spartas e tut ils geners èn represchentads. Il messadi è simpel: nossas linguas, nossas opiniuns, nossa Svizra: nus partain tut! Differenza munta diversitad, diversitad munta ritgezza. Per quest motiv ans engaschain nus per ina taxa da service public che impedescha che minoritads linguisticas ni minoritads culturalas stoppian svanir en noss pajais.

Tgi?
Idea oriunda: Erich Eicher & Ivo Zen
Direcziun dal project: Ivo Zen (ARF/FDS), Christoph Trummer (SONART)
Direcziun artistica, film: Flavio Gerber, Filmgerberei Zürich
Direcziun artistica, musica: Dodo Jud, Dabu Bucher

Artistas ed artistas en ils videos uffizials:
Aliose, Caroussel, Stress, Mark Kelly, The Animen, Le Roi Angus, François Vé, Take me Home, Rootwords, Yellow Teeth, Lynn Maring, Baschi, Lina Button, Dodo, Dabu Fantastic, DJ Arts,  Eclecta, Erich Eicher, dr Eidgenoss, Faber, Pascal Gamboni, Mischa Greull, Shirley Grimes, Heidi Happy, Tinu Heiniger, Stefanie Heinzmann, Sandra Hicklin-Bürgler (clavazin da buttiglias), Büne Huber, Sophie Hunger, Röbi Kessler, Jürg Kienberger (arpa da magiels), Kummerbuben, Lea Lu, Samuel Messerli (Body percussion), Natascha, Nemo, Melanie Oesch, Orchester Tonhalle (Kaspar Zimmermann, Isaac Duarte. Mattia Zappa, Christian Proske, Andrea Wennberg, Marc Luisoni), Pablo Nouvelle, Rita Roof, Sandee, Maria Rebecca Sautter, Sina, Snook, Adrian Stern, Lisa Stoll (tiba), Stress, Trauffer, Trummer, Ursina, Bibi Vaplan, Valeria Zangger, les enfants de Schwyz, Barbara Diaz-Pettinato (LSF – Langue des signes française), Rolf Perrollaz (DSGS _ deutschschweizer Gebärdensprache)

Ils videos vegnan partids sin tut ils chanals ed era directamain da las musicistas e dals musicists. Ins chatta tuts sin www.clap4culture.ch. A partir dils 19.01.2018 vegnan publitgads regularmaing novs videos.
Sin quella website chattan artistas ed artists e tut ils auters tut las cumponentas incl. instrucziun necessarias per producir e metter en la rait lur agen video Clap4Culture cunter No Billag.

 

Contacts per las medias:
Ivo Zen: ivozen@gmx.net, 079 716 35 44;
Christoph Trummer:
christoph.trummer@musikschaffende.ch, 078 737 01 73
Romandie: Christian Wicky,
chris@irascible.ch, 076 432 00 96

Dapli infurmaziuns sin la vart davos. Maletgs per las medias sin www.clap4culture.ch

Tge che stat davostier
Noss engaschament communabel cunter No Billag è francà en la ferma persvasiun che nossa Svizra multifara, plurilingua e solidarica dovra in ferm service public medial che po sentir il puls alternativ en las citads e che porta las pli impurtantas infurmaziuns davart la politica e la cultura entadim dal tut da mintga val – en tut las linguas ed era sco films auditivs u en lingua da segns. Ins vesa en ils statements da las artistas e dals artists ch’els chapeschan e defendan savens gist l’idea da la solidaritad che stat davos la taxa da service public. Pertge en quest connex pudain nus tuts ensemen perder il pli bler.

La cultura, il film e la musica fissan pertutgads en moda dramatica. La SSR SRG smanatschada è la segund gronda promotura dals cineasts svizzers independents e la pli gronda patruna en il sectur audiovisual. Senza ils meds da producziun da la SSR per agens projects e projects ch’ella sustegn fissi en l’avegnir impussibel da producir films documentars svizzers da renum internaziunal u realisar temas fictivs en ina sumeglianta dimensiun e sin in nivel tuttina aut. L’Associaziun svizra reschia e scenari da film s’exprima perquai e pervia da ses grond quità per las consequenzas per la furmaziun da l’opiniun e la participaziun democratica a moda decidida cunter l’iniziativa No Billag.

Era SONART, l’associaziun che represchenta musicistas e musicists libers da divers stils, cumbatta cun tutta forza cunter l’iniziativa che pretenda bain da vulair evitar taxas, ma che destruiss en cas d’ina approvaziun ina ritga infrastructura mediala e culturala.
La SSR è medemamain il dachasa dad in pèr da las pli impurtantas «instituziuns» da la musica svizra:

  • RTR
  • Punkt CH (SRF3) u Swissmade (SRF1) per la scena indigena
  • SRF Kultur per classica, jazz e musica experimentala
  • ils Swiss Music Awards & SRF3 Best Talents
  • transmissiuns da festivals e concerts en la televisiun ed al radio
  • SRF Virus sco emettur per novs artists e scuvertas
  • MX3 sco plattafurma da contacts per bands che n’han anc nagin contract da plattas
  • e bler auter pli

No Billag periclitescha però anc bler dapli che mo la SSR. Senza taxas perdessan tut ils radios UNIKOM e blers radios privats parts considerablas da lur preventiv. Ultra da las emissiuns spezialas da la SSR èn las staziuns UNIKOM ils sulets radios en Svizra che emettan era musica dasper il mainstream. Ils radios regiunals èn l’entschatta da carrieras che pon forsa cuntinuar pli tard tar ils radios commerzials, ma che na vegnissan mai lantschadas là.

Oz pia offra la SSR ensemen cun purschiders mez privats grazia a las taxas in vair service public: ina purschida ch’ins po finanziar mo cun solidaritad en noss pajais pitschen. La perdita da questa purschida fiss per mintga tegnairchasa svizzer bler pli chara che 365 francs l’onn.